Plantun de Prouvènço

Pèr coumpara dos planto d'encò nostre

Sagittaria sagittifolia & Herzogiella seligeri

Sagittaria sagittifolia

Alismataceae

Noms en français : Sagittaire, Flèche-d'eau.

Descripcioun :
La flècho-d'aigo es uno planto proun raro au nostre au contro de l'uba de l'Éuropo. Trachis dins quàuqui relarg bagna de Prouvènço dóu couchant. Es uno planto eisado de recounèisse emé si fueio en flècho ; soun li fueio dins l'èr. Fai peréu de fueio longo en riban que pousson dins l'aigo (fueio primàri). Li flour soun poulideto, femello en bas e masclo en aut de l'enflourejado.

Usanço :
Lou rizoumo èi manjadis (crus o cue), s'acampo à l'autouno (mai pas encò nostre que n'i'a gaire !). Dins d'ùni païs s'en fai de galeto emé la feculo. Lis indian d'Americo quichavon li rizoumo fres emé d'aigo e piéi criblavon tout acò pèr leva li fibro.

Port : Erbo
Taio : 20 à 60(150) cm
Fueio : costo paralèlo
Tipe bioulougico : Idroufite
Cicle bioulougico : Planto renadivo

Gènre : Sagittaria
Famiho : Alismataceae

Ordre : Alismatales

Coulour de la flour : Blanco
Petalo : 3
Ø (o loungour) flour : 15 à 20 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Aigo - Ribiero - Roubino
Estànci : Mesoumediterran à Coulinen
Couroulougi : Éurasiatico
Ref. sc. : Sagittaria sagittifolia L., 1753

Fougerolo-de-Seliger

Herzogiella seligeri

Plagiotheciaceae

Nom en français : Fougerole de Seliger.

Descripcioun :
La fougerolo-de-Seliger, mousso pluroucarpo, trachis en tepiero à la baso di pege dins li relarg umide e acide de fourèst pulèu mountagnouso. Li ramo, irreguliero, an un port que retoumbo devers lou sòu ço que pòu ajuda à la recounèisse. Li fueio soun un pau dins lou plan, curvo emé un bout loungamen acumina e denta. La fueio a uno pichouneto rufo doublo. Li celulo soun en loungour aleva li dis alo. La sedo longo de 2 cm èi roujo, fai sis espouroufito l'estiéu.

Usanço :
Se pòu engana emé d'àutri mousso pluroucarpo dóu meme gènre e di gènre proche (Plagiothecium, Taxiphyllum..).

Port : Pluroucarpo
Taio : 2 à 3 cm
Fueio : 1 à 2,4 mm
Tipe bioulougico :
Cicle bioulougico : Planto renadivo

Gènre : Herzogiella
Famiho : Plagiotheciaceae

Ordre : Hypnales

Coulour de la flour :
Petalo : 1,5 à 2,5 cm
Ø (o loungour) flour : Coumplet
Flourido : Estiéu

Sòu : Si
Autour basso e auto : 600 à 2000 m
Aparado : Noun
Juliet à setèmbre

Liò : Pege - Bas de pege - Souco - Ligno
Estànci : Mountagnard à Subaupen
Couroulougi : Oulartico
Ref. sc. : Herzogiella seligeri (Brid.) Z.Iwats., 1970 (= Dolichotheca seligeri (Brid.) Loeske, 1911 = Plagiothecium silesiacum (F.Weber & D.Mohr) Schimp )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Sagittaria sagittifolia & Herzogiella seligeri

ges

Coumpara Flècho-d'aigo emé uno autro planto

Coumpara Fougerolo-de-Seliger emé uno autro planto